Hiram...

HIRAM

Wala ng mas gaganda pa sa kalikasan

Sa atin ito'y isang natatanging kayamanan

Binibigay lahat ng ating kailangan

Upang kaginhawaan sa buhay ay ating maranasan.

Ngunit sa isang iglap, kalikasa'y unti-unting nasisira

Mga puno sa kabundukan, halos wala ng natititra

Magagandang tanawin, bukas marahil ay 'di na makikita

Dahil napalitan na ng mga establisyimentong magagara.

Sunod-sunod na kalamidad, 'di na matatakasan

Galit ng kalikasan ay hindi na mapipigilan.

May magagawa pa kaya tayo upang ito ay masolusyunan?

May magagawa pa ba tayo upang maibalik ang ganda ng nakaraan?

Oo, tayo'y marami pang magagawa

Kung loob nati'y pursigido't nakahanda

Kahit simpleng paraan ay nagiging mahalaga

Upang sa hinaharap ay may masisilayan pa.

Huwag nating hintaying kalikasan sa ati'y tuluyang magdamdam

Gumawa ng paraan para sa kasaganaang inaasam

Hindi ba't matagal na nating alam

Na ang mundong ito ay sa mga anak natin hiniram?  

Picture Source:  http://www.google.com.ph/imgres?q=Nature&hl=tl&biw=1024&bih=607&gbv=2&tbm=isch&tbnid=HXRetLYAVtaiFM:&imgrefurl=http://www.imagegossips.com/2011/01/nature-beauty/&docid=hitjspe_Rl01eM&imgurl=http://www.imagegossips.com/wp-content/uploads/2011/01/nature3.jpg&w=1024&h=768&ei=eBNLT9PbL-eTiAfMzsiZDg&zoom=1&iact=hc&vpx=429&vpy=101&dur=832&hovh=194&hovw=259&tx=123&ty=79&sig=103342274529544170336&page=2&tbnh=128&tbnw=155&start=15&ndsp=20&ved=1t:429,r:12,s:15