Kaniadto, ako gahandum
Na makita si Mayor Digong
Ako gahulat lang ug nagalaum
Ug katong kagustuhan wa napalong.
Tuod man, siya akong nakita,
Sa iyang pahalipay sa among mga kabatan-onan.
Wa ko jud damha katong higayona
Sa ako na firstimer, daw siya artistahin man.
Wa ko jud limti,
Nga samtang daghang gapalitrato,
Siya sige rag tingsi
Sama gihapon sa mga standee niya sa establisyimento.
Habang siya gipaestorya
Wa gayo'y nagsige ug tabi.
Tanan, ang dalunggan gabuka
Ug seryosong namati.
Sa iyang pagdagan
Ako gayod nalipay
Tanan balita, akong giatngan,
Bisan kadtong mga balita na lisud tunlon sa tunhay.
Ako usahay maglagot
Sa mga taong grabe makahukom
Mga istoryang puro ra gayod butbot
Hoy, among mayor di abusadog gahum!
Kung nasayod pa lamang sila
Sa iyang kahanas
Sa pagpatuman ug kahiusa
Nan ilang dila, mao najuy muatras.
Sayod kami, dunay mga pamalikas
Na dili angay pamarisan
Para wala nay ligas,
Nganong dili nalang gud ampoan?
Angay kang mahadlok
Kung ikaw nagbuhat ug dautan
Bisan unsa pang tago ug tuyok-tuyok,
Bantay ka, ikaw gayud mahinaykan!
Apan ikaw na matarung
Iya gayong tabangan, pasidunggan
Busgon ka sa mga pulong
Na tiniguwang ug edaran.
Malipayon gayud ako
Para kay Mayor Duterte.
Mayor kaniadto,
Karon, el presidente.
Hinaut iyang matuman
Ang iyang mga saad.
Saad para sa kaayohan sa kinatibuk-an
Aron kabag-ohan sa nasud ato na gayong matugkad.
Mabuhay ang amahan sa Dabaw!
Mabuhay ka, Mayor Digong!
No comments:
Post a Comment